Die Noord-Kaap en sy mense is eg soos hul kos. As jy eers een maal daar gaan kuier het, sal jy keer op keer teruggaan.

Met my voete stewig geanker waar ek grootgeword het, moes ek eenvoudig my soektog na die stories agter kos voortsit in die Noord-Kaap.

Wintertyd vir hierdie Kalahari-kind beteken een ding: wildsvleis! Ek het gaan kuier by Jan Cilliers op Douglas, waar hy my meer vertel het oor wat volhoubare jag beteken en waarom wild die ware Jakob is as jy free range-vleis in die winkel koop!

4 dinge wat jy van wild wil weet

1. Springbok is ’n uitstekende keuse vir vleistande – veral mans met hoë cholesterol wat rooivleis wil vermy.

2. Die gemiddelde vetinhoud van wildsvleis is baie laag, selfs in die vleis van ooie wat ’n bietjie meer vet (ongeveer 3 g per 100 g) het as ramme.

3. Wildsbiltong bevat ook meer yster as byvoorbeeld beesbiltong, sê Mariza van Zyl, dieetkundige van www.bettereat.net.

4. Hoe lank kan ek my heel springbokboud vries? Verkieslik nie langer as 8 – 12 maande nie. Daarna kan die vleis baie droog word.

Gerookte-springbok-carpaccio-rolletjies

genoeg vir 8 – 10

• 100 g (125 ml) bruinsuiker
• 30 ml asyn
• rooibostee
• 1 springbok-rugstring

Meng bruinsuiker en asyn en smeer oor rugstring. Sprinkel tee in roker en bring tot rook. Rook rugstring vir 10 minute. Verwyder en laat afkoel. Sny in papierdun skywe met skerp mes. Hou eenkant.

• 12 velle ryspapier
• 30 ml olyfolie
• 500 g steurgarnale, doppe verwyder en skoongemaak
• sout en varsgemaalde swartpeper na smaak
• 1 wortel, in stokkies gesny
• 10 cm-stuk komkommer, in repe gesny
• hand vol koljanderblare, fyngekap

Vir doopsous

• 1 knoffelhuisie, fyngekap
• 3 cm vars gemmer, skoongemaak en fyngerasper
• 15 ml brandrissiesous
• 15 ml vissous
• 60 ml sojasous

Plaas ’n vel ryspapier op ’n skoon werkvlak. Besprinkel met water en smeer met jou vingers oor papiervel. Draai om en herhaal proses aan ander kant. Pak springbok, wortel, komkommer en koljander op ryspapier, maar los ’n rand van sowat 3 cm aan een kant. Vou dié rand bo-oor die bestanddele. Vou dan die buitenste twee punte na binne en rol stewig op. Plaas onder ’n klam doek tot benodig. Plaas al die bestanddele van die sous in ’n klein mengbakkie en roer goed met ’n teelepel. Pak die rolletjies op ’n opdienbord en sit voor met doopsous.

Gestoomde-wildsvleis-bolletjies

Ek gaan leen by die Ooste en meng dit met die Weste.

genoeg vir 6

• 1 springbokblad of -boud
• 500 ml rooiwyn
• 200 ml bruinasyn
• 2 lourierblare
• 6 heel peperkorrels
• 2 lourierblare
• 5 heel naeltjies
• sout en varsgemaalde swartpeper na smaak
• 1 ui, fyngekap
• 250 g repiespek, in klein blokkies gesny
• 15 ml sonneblomolie

Verhit stoompot tot warm. Plaas vleis in pot en voeg rooiwyn, asyn en speserye by. Geur met sout en peper. Sit ’n deksel op en bring tot stoom. Draai die hitte af sodat die vleis baie stadig kook. Stoom vir 60 minute of tot vleis afval van die been. Braai die uie en spek saam in die sonneblomolie. Voeg by die fyn vleis en geur met sout en peper na smaak. Maak nou die pakkies:

• 1 x 10 g-sakkie kitsgis
• 250 ml louwarm water
• 280 g (500 ml) koekmeel
• 15 ml suiker
• 5 ml koeksoda

Meng al die bestanddele saam vir deeg. Laat rys tot dubbel die volume. Maak bolletjies van deeg en druk plat in hand sodat daar ’n holte in elke bolletjie is. Vul holte met fyn vleis. Voer bamboesstomer uit met bakpapier en pak rolletjies bo-op. Maak stomer toe en plaas oor pot met kokende water. Stoom vir 20 minute en sit voor met doopsous van gerookte rolletjies.

Fynvleis-samoesas

Gebruik dieselfde fyn vleis as vir die bolletjies en maak samoesas.

genoeg vir 8 – 10

• 300 g fyn vleis
• 12 velle samoesadeeg
• 45 ml meel
• 45 ml water

Doopsous

• 1 brandrissie, gekap
• 1 hand vol kruisement
• 125 ml crème fraîche
• sout en varsgemaalde swartpeper
• 10 ml fyn naeltjies

Meng water en meel tot ’n stywe pasta vir gom. Vou samoesas met die deegvelle en fynvleis volgens aanwysings op die boks. Verf met meelgom om oop kant te seël. Verhit olie tot warm oor matige hitte en braai tot goudbruin en bros. Dreineer op kombuispapier. Doopsous: Meng bestanddele vir doopsous en sit voor by gebraaide samoesas.

The post Herman gaan terug huis toe & kook met wildsvleis appeared first on SARIE.

2 groot brode

• 500 g (890 ml) koekmeel
• 500 ml water
• 1 pakkie (10 g) kitsgis
• 10 g sout
• ekstra meel vir sif

Verhit oond tot 220 ºC. Gooi al die bestanddele in die bak van elektriese menger. Meng dit met die mengspaan (K-beater) vir sowat 10 – 12 minute op volspoed totdat die beslag ’n bal vorm in die middel van die bak. Los beslag in bak en maak toe met kleefplastiek. Laat rys op ’n warm plek vir sowat 30 minute tot dubbel die volume. Sif ’n dik laag meel op ’n bakplaat wat met kleefwerende kossproei gespuit is. Sif nog meel op werkvlak en keer deeg versigtig uit. Sif ekstra meel oor deeg en sny deeg versigtig in twee helftes. Moenie die deeg te veel hanteer nie. Lig deeg met een beweging op en plaas op bakplaat. Herhaal met tweede stuk deeg. Vorm die deeg met jou vingerpunte in ’n langwerpige brood. Plaas dadelik in die oond en bak vir 20 – 25 minute of tot goudbruin en gaar.

Wenk: Jy moet dié brood in ’n elektriese menger maak, want die deeg is te loperig om dit met die hand te meng.

The post Ciabatta sonder moeite appeared first on SARIE.

Ek sit vandeesweek my kuier in die Noord-Kaap op soek na die stories agter kos voort. My opgewondenheid om nader met aartappels kennis te maak by Kolver Mülke van die plaas Tambile net buite Kimberley, is byna kinderlik. Vir party ’n verdoemde knol, maar vir my die kroon van die tafel.

Herman leer meer van aartappels by Kolver Mülke

Interessant is dat daar in die laat 1700’s geglo is dat jy melaats kan word as jy aartappels eet (ek reken daar is party mense wat vandag weer so glo!). Maar hoe kan iets wat ’n AARDappel genoem word dan ongesond wees vir jou. Sy skil is propvol subtiele neutgeure en sy vlees roomsag en soos ’n spons wat wag vir ’n wêreld van geur uit jou hande.

5 dinge wat jy van aartappels wil weet!

1. ’n Middelslag-aartappel bevat byna die helfte van die hoeveelheid vitamien C wat jy  daagliks benodig.

2. Vleis en aartappels gaan perfek saam. Die vitamien C in die aartappels help jou liggaam om die yster in die vleis beter te absorbeer.

3. Aartappels is goeie waarde vir geld, want die komplekse koolhidrate sorg dat jy langer versadig voel.

4. Aartappels hou langer as talle ander groente wat ná ’n paar dae verlep of af raak. As jy aartappels in ’n koel, donker plek bêre, kan hulle so lank as 3 weke vars bly.

5. Jy sal nooit sonder idees vir resepte wees nie. Google verskaf meer as 62 miljoen resultate wanneer jy aartappel-resepte soek.

Fillo-en-cheddar-aartappelpastei

Hierdie resep kom van my koskollega Barbara Joubert. Sy vertel sy het dit jare terug by die Turkse restaurant Anatoli in die Kaap leer ken. Sy het dit al vir my voorgesit, en glo my, dit het my lewe verander. My ode aan die aartappel begin met Barbara se resep!

genoeg vir 8 – 10

• 4 groot aartappels, geskil
• 300 g sterk cheddarkaas, gerasper
• 2 eiers, geklits
• 60 ml gekapte pietersielie
• knippie rooipeper, of na smaak
• sout en varsgemaalde swartpeper na smaak
• 6 velle fillodeeg
• sowat 50 ml gesmelte botter
• sowat 150 ml olyfolie
• 30 ml gekapte pietersielie

Kook aartappels tot sag en druk fyn met ’n vurk (daar kan nog stukke in wees). Voeg kaas, eiers en pietersielie by. Geur met rooipeper, sout en peper. Plaas een vel fillodeeg op jou werkvlak en smeer met gesmelte botter. Plaas ’n tweede vel deeg bo-op en smeer weer met gesmelte botter. Herhaal met ’n derde vel. Skep van die aartappelvulsel sowat 5 cm van onderkant van deeg in ’n lang wors. Vou deeg oor vulsel. Vou kante weerskante oor vulsel en rol op. Herhaal met die res. Maak toe met kleefplastiek en laat koud word in yskas. Sny koue rol in skywe van sowat 3 cm. Verhit olyfolie in pan en braai sirkels weerskante vir sowat 3 minute. Dreineer op kombuispapier. Sprinkel gekapte pietersielie oor en sit warm voor.

Groen aartappelslaai

Aartappelslaai met nuwe geure en smake – probeer dit, dis regtig lekker!

genoeg vir 6

• 400 g Franse groenbone, gedompel in kookwater
• 200 g suikerertjies, gedompel in kookwater
• 200 g sneeu-ertjies (mange tout), fyngesny
• 500 g aartappels, geskil
• 45 ml olyfolie
• 250 g spek, grofgesny
• 1 x 165 g-houer basiliepesto
• sout en varsgemaalde swartpeper na smaak

Dompel groenbone en suikerertjies in kookwater vir 30 sekondes. Dreineer en hou eenkant saam met rou sneeu-ertjies. Plaas aartappels in pot met koue water en bring tot kookpunt. Kook vir 15 – 20 minute of tot aartappels sag maar nie pap is nie. Maak intussen die sous. Verhit olyfolie tot warm in braaipan en braai spek tot goudbruin en bros, sowat 5 – 8 minute. Voeg pesto by en meng deur. Dreineer gaar aartappels en sny in blokkies (jy kan self besluit hoe groot) en voeg by pesto-mengsel. Voeg bone by en geur goed met sout en peper. Meng deur en sit voor.

Koue aartappel-doopsous

Die Grieke noem dit “skordalia” – dis ’n goue sous van aartappels wat jy saam met lamsboud of hoender kan eet.

genoeg vir 6 – 8

• 680 g (sowat 6) aartappels, geskil en in blokkies gesny
• 4 knoffelhuisies, fyngekap
• 250 ml olyfolie
• 60 ml witwynasyn
• sout en varsgemaalde swartpeper

Plaas aartappelblokkies in pot met koue water en bring tot kookpunt. Kook tot baie sag, sowat 10 – 15 minute. Dreineer en plaas in voedselverwerker saam met knoffel en olyfolie. Verwerk by hoë spoed tot gladde mengsel. Laat loop menger terwyl jy die asyn byvoeg. Geur goed met sout en peper. Sit voor met ekstra olyfolie en gebraaide brood as voorgereg.

The post Inspirasiekos met SARIE: Heerlike aartappel-geregte appeared first on SARIE.

(genoeg vir 8)

• 21 aartappels, geskil (sowat 2 kg)
• 550 g eendvet (of 500 ml kanola-olie)
• 4 takkies tiemie
• 2 knoffelhuisies, fyngekap
• sout en varsgemaalde swartpeper

Verhit oond tot 180 °C. Bring pot met water tot kookpunt en sit aartappels daarin. Laat kook vir 8 minute. Dreineer en laat effens afkoel. Krap met ’n vurk oor aartappels tot dit ’n growwe tekstuur het. Plaas eendvet, tiemie en knoffel in groot oondroosterpan. Sit in warm oond vir 20 minute. Haal bak versigtig uit oond en plaas aartappels in warm vet of olie. Sit terug in oond en bak vir 20 – 25 minute of tot goudbruin en gaar. Draai aartappels halfpad deur die bakproses om. Dreineer op kombuispapier en geur goed met sout en swartpeper. Sit warm voor.

Laai jou inkopielys af as ’n JPEG of PDF.

The post Eendvet-aartappels appeared first on SARIE.

Daar is min neute so kenmerkend in kleur en geur soos die pistasieneut.

Dit is een van die duurste neute op die winkelrakke omdat dit ingevoer word (meestal uit Iran), maar deesdae word die neut ook plaaslik verbou. En dít nogal in die hartjie van die Noord-Kaap, Prieska!

My soektog na die stories van kos het my geneem na Connie Coetzee waar hy en sy vrou, Rina, hierdie groengoud groei. Op ons tuisgrond kweek hulle neute van wêreldgehalte!

Connie Coetzee en Herman Lensing

 Het jy geweet?

1. Baie jare gelede het ons hier in SA net dié neute geken as bloedrooi. Waarom? Al die laergraadneute is rooi gekleur, dop en al, en dan gerooster met sout. Dis so verkoop as peuselhappies in laergraad-markte. Deesdae kry ons dit gerooster en gesout sonder die kleursel.

2. Dit neem die pistasieboom sowat 6 tot 7 jaar om in volle produksie te kom. Die neut is so gesog as gevolg van sy kleur. Hoe groener die neut, hoe meer gesog is dit.

3. Waarom die Prieska-area? Die boom vra vir baie warm somers en baie koue winters – albei eienskappe van die Noord-Kaap. Die boom aard goed in ’n Mediterreense klimaat en Connie vertel Prieska is na aan dié klimaat.

4. In die Middeleeue is pistasies slegs gegroei vir koninklike tafels. Die neute is gesout en dan voorgesit vir die adellikes – gewone mense mag nooit hul lippe aan dié groengoud gesit het nie. Die neut is van vroeg af as gesog beskou.

Hier is van my resepte met pistasieneute

Lamsboud met pistasieneut-kors

Die neute bo-oor die lam gee dit daardie broslagie wanneer jy dit sny – ek hou van pienk lam, maar dis jou keuse!

genoeg vir 8

• 1 lamsboud (sowat 850 g, been en skenkel in)
• 6 knoffelhuisies, gehalveer
• 60 ml olyfolie
• sap van 1 suurlemoen
• sout en varsgemaalde swartpeper
• 500 g geskilde piekeluitjies
• 100 ml worcestershire-sous

Pistasieneut-en-kruiekors

• 100 g uitgedopte pistasieneute
• 2 takkies kruisementblare
• 6 snye witbrood, gekrummel
• 15 g Italiaanse pietersielie
• 100 g (110 ml) gesmelte botter
• 2 knoffelhuisies, fyngekap
• sout en varsgemaalde swartpeper

Verhit oond tot 160 °C. Plaas lamsboud in oondbraaibak. Gebruik skerp mes en steek 12 gate oral in die lamsboud. Druk ½ knoffel in gaatjies. Gooi olyfolie en suurlemoensap oor. Geur met sout en peper. Plaas die uitjies rondom die vleis. Sprinkel met klein bietjie olyfolie. Gooi worcestershire-sous oor lam. Maak pan toe en oondbraai vir 2 uur.

Maak intussen die kruiekors. Kap neute fyn in voedselverwerker. Haal uit. Kap kruisementblare, brood en pietersielie ook fyn in voedselverwerker. Meng die neute met die fyngekapte kruie. Voeg gesmelte botter en knoffel by. Geur met sout en peper. Haal lamsboud ná 2 uur uit oond en laat sowat 30 minute afkoel voor jy die kors opsit. Verhoog die oondtemperatuur na 180 °C. Pak die bolaag dik bo-op die lamsboud en sprinkel met nog ’n bietjie olyfolie. Plaas terug in oond vir nog 1 uur of tot goudbruin. Sit warm voor.

Brosgebraaide aartappels met pistasieneut-pesto

Die lekkerste bros aartappels wat jy gaan eet! Maak genoeg!

genoeg vir 6

• 500 g sakkie baba-aartappels
• 500 ml kanola-olie
• 250 g botter

Pesto

• 1 hand vol basiliekruid
• 100 g pistasieneute
• 1 knoffelhuisie
• 100 g geraspede parmesaankaas
• olyfolie
• sout en peper

Kook baba-aartappels in skil tot sag en gaar. Gebruik agterkant van lepel en druk plat tot oopbars. Verhit olie en botter tot warm in groot pot. Plaas aartappels in olie, braai vir 8 – 10 minute of tot goudbruin en bros. Terwyl aartappels braai, plaas al die pesto-bestanddele in voedselverwerker en pols by hoë spoed tot gladde mengsel. Skep bros aartappels uit warm olie en plaas op handoekrol om te dreineer. Geur met sout en peper en plaas in opdienbak. Sit aartappels voor met pesto.

Koesisters-doughnuts met klapper en pistasieneute

Die Maleise manier van koesisters maak, is heerlik en baie anders as koeksisters.

genoeg vir 12 – 16

• 600 g (1 050 ml) koekmeel
• 280 g (500 ml) bruismeel
• 80 ml suiker
• 3 ml sout
• 10 g kitsgis
• 10 ml kaneel
• 10 ml anys
• 1 eier
• 45 ml botter
• 375 ml warm water
• 375 ml melk
• olie vir diepbraai
• 100 g fyn klapper
• 100 g pistasieneute, baie fyngekap

Stroop

• 200 g (250 ml) suiker
• 250 ml water
• 1 kaneelstok
• 1 vanieljepeul, oopgesny en saadjies uitgekrap

Meng meel, suiker, sout, gis en speserye saam in groot mengbak. Meng eier, botter, water en melk saam. Gooi by meel en meng tot alles in een bal saamkom. Knie tot gladde deeg. Laat rys op warm plek tot dubbel in volume. Rol deeg uit op meelbestrooide oppervlak tot sowat 5 mm dik. Gebruik ronde koekiedrukker van 5 cm in deursnee en druk deegsirkels uit. Gebuik ’n kleiner een van sowat 1,5 cm in deursnee en sny gaatjies in elke groot sirkel om doughnut-vorm te maak. Verhit olie tot warm en diepbraai sirkels en klein sirkels tot goudbruin en bros.

Stroop Terwyl deeg rys, bring stroopbestanddele tot kookpunt. Kook vir 5 minute. Dompel koesisters in warm stroop vir 2 minute. Meng klapper en neute saam. Rol warm koesisters dadelik in klapper en pisasieneut-mengsel. Laat afkoel en sit voor.

Waar kan ek van Connie se neute kry?

Stuur e-pos na wercon@mweb.co.za of skakel 082 946 2354.

The post Inspirasiekos met SARIE: Pistasieneute uit Prieska appeared first on SARIE.

Die afgelope week is die internet oorrompel deur ’n Japanse YouTube-video van ’n kaaskoek met net 3 bestanddele.

Ja, jy het reg gelees: net 3 bestanddele. Die video het reeds meer as 8,2 miljoen kykers gehad. Maar uit ondervinding met baie sulke kitsresepte of -oplossings weet ons dit werk nie altyd nie. Daarom kon ek myself nie keer nie en moes ek net eenvoudig dié kombuis-wonderwerk toets. (Ek het ’n sagte plekkie in my hart vir kaaskoek!)

Die video

Die video het byskrifte in Japannees en Engels. Die vrou wys stap vir stap hoe sy die koek aanmekaarsit. Kyk dit hier!

Die toets

Ek gaan die koek stap vir stap bak – jy kan kies tussen wit- of melksjokolade. Ek het besluit om melksjokolade van goeie gehalte te gebruik. Hier volg die resep én my resultate:

Die bestanddele vir ons kaaskoek.

Sjokolade-kaaskoek met net 3 bestanddele

genoeg vir 1 groot koek

• 225 g melksjokolade
• 230 g roomkaas, teen kamertempratuur
• 6 eiers, geskei

Die pan is uitgevoer met bakpapier.

Stap 1

Verhit oond tot 180 ºC. Voer ’n 20 cm-losboomkoekpan met bakpapier uit, asook ’n strook reg rondom in die pan. Spuit dit goed met kleefwerende kossproei.

Sjokolade en roomkaas is die basis van die koek.

Stap 2

Smelt sjokolade in mikrogolfoond (roer elke 10 sekondes) of oor ’n pot met kookwater. Voeg die warm sjokolade by die roomkaas.

Maak seker jy klits dit tot gladde mengsel.

Stap 3

Klits die mengsel met ’n draadklitser tot gladde voorkoms.

Die eiergele is ingemeng, ons mengsel is nou reg vir die eierwitte.

Stap 4

Voeg eiergele by en klits mengsel weer tot glad – maak seker daar is geen klonte in die mengsel nie.

Sowat 1/3 van die sagte eierwitte roer ons in.

Stap 5

Klits eierwitte met elektriese menger tot sagte punte vorm. Skep 1 groot lepel vol van die eierwitskuim by sjokolademengsel en roer dit in – dit maak die mengsel los voor ons die res van die eierwitte invou.

Die res van ons eierwitskuim, vou geduldig in!

Stap 6

Vou oorblywende eierwitte met groot metaallepel in sjokolademengsel in – werk in ’n vorm 8 sodat jy so min moontlik lug verloor. (Sover lyk die resep vir my of hy gaan werk, ek proe sukses!)

Die Franse noem die manier van bak au bain-marie: in ‘n bad met water. 

Stap 7

Plaas uitgevoerde pan in groot oondroosterbak en gooi vulsel in pan. Vul die oondroosterbak met kookwater – sowat halfpad hoog teen die koekpan se rand. Bak vir 40 minute of tot hy gestol lyk – ek het ná 35 minute gekyk en dit nog 5 minute gelos. Skakel jou oond nou af en los dit in die toe oond vir nog 15 minute.

Klaar gebak en dit lyk soos kaaskoek!

Stap 8

Haal die kaaskoek uit die waterbad en laat dit heeltemal afkoel op ’n draadrakkie – dit wil vir my lyk of ons regtig sukses behaal het. Buiten die groot bars op die oppervlak wat my pla, reken ek ons het ’n wenner hier beet …

Laat afkoel vir 4 uur in yskas (of oornag!)

Stap 9

Plaas afgekoelde kaaskoek in yskas vir sowat 4 uur – die wag is die grootste werk!

Stap 10

Die oomblik van waarheid: ek haal die pan se ring af en skil die papier versigtig weg. PERFEK! ’n Veerligte sjokolade-kaaskoek. Plaas op ’n opdienbord en sif bietjie kakao oor.

Laaste nota

Soos ek gereeld sê, daar is niks fout met kortpad vat in die kombuis nie, mits die kortpad net so goed smaak soos die ware Jakob. Tradisionele kaaskoek met meer bestanddele sal altyd ’n ereplek op my rak hê, maar ek reken hierdie 3-bestanddeel-weergawe is ook ’n wenner.

*Maar, the proof of the pudding is in the eating:

Die SARIE-redaksie in Kaapstad het die kaaskoek geproe en nie almal dink dis ewe lekker nie. Dit smaak uitstekend as jy in ag neem dis net 3 bestanddele en dit is so vinnig en maklik om te maak, maar die ware Jakob bly steeds tops.

The post Beste kaaskoek nog? 8 miljoen mense sê ja! (en dis net 3 bestanddele) appeared first on SARIE.

Dis 2002 in ’n koshuiskamer in Paul Roos Gimnasium en Bertie Coetzee stig die musiekgroep Zinkplaat met Beer Adriaanse, Basson Laubscher. Kort daarna kom Beitel van der Merwe by en dan ervaar Zinkplaat wegholsukses.

Maar in 2013 het elkeen sy eie pad gegaan. Bertie het pad gekies Prieska toe en op sy grootwordplaas, Lowerland, ’n “bio-boer” gaan word. Ek het op my soektog na die stories agter kos gaan inloer by dié musiekman se unieke manier van boer en meer gaan leer oor sy organiese mieliemeel, Familiemeel.

Bertie en Herman op Lowerland

Wat is ’n “bio-boer”?

Dis ’n boer wat saam met die seisoene boer, organiese metodes implementeer en spesifiek GGO-vry boer (GGO staan vir geneties gemodifisieerde organisme). Bertie vertel dat dié manier van boer sy eie stel probleme oplewer, maar hy glo as hy daarmee volhou, sal sy produkte goed wees vir die liggaam en sal hy sy deel doen om terug te gee aan die aarde.

Herman: Bertie, hoe het jy van musiek tot by boerdery gekom?

Bertie: Die twee is eintlik nie so ver van mekaar verwyder soos jy dink nie. As jy die ritme van musiek verstaan, weet jy dat boerdery ook met ritme werk en as jy dit regkry, is die eindresultaat mooi, soos ’n liedjie wat jy skryf!  Albei is kuns wat vra vir intuïsie.

H: Is dit moeilik om met mielies organies te boer?

B: Mielies is seker die heel moeilikste gewas om organies te verbou, maar mielieboerdery vra vir presisie en as jy presies werk, kan jy goeie resultate kry. Gee genoeg water, moenie te naby aan mekaar plant nie en pas goeie landboutegnieke toe.

H: Buiten die mielieboerdery, waarmee boer jy nog?

B: Ons plant ook koring en pekanneute, maar ek is besonder opgewonde oor ons Lowerland-wyne (klik hier vir meer). Daar is tans 5 rooiwyne en 1 witwyn in die reeks. Die druiwe kom uit wingerde hier op die plaas, maar dit word op Stellenbosch gepars en die wyn word daar gemaak.

H: Wat is jou visie vir Lowerland Boerdery?

B: Ons visie is om ’n mandjie vol natuurlike, voedsame en heilsame produkte te produseer deur saam met die natuur te werk. Diversiteit in die mandjie weerspieël biodiversiteit op die plaas, van die grondlewe tot die plante, mense en boerdery-filosofieë.

Herman se lekkerste resepte met mieliemeel

Parmesaan-mieliepap met heuning, spek en geposjeerde eier

Parmesaan-mieliepap met heuning, spek en geposjeerde eier

Die Kanadese braai graag hul spek in esdoringstroop. Ek doen dit met heuning.

genoeg vir 4-6

• 400 ml water
• 115 g (125 ml) botter
• 600 ml mieliemeel
• 12 repe rugspek
• 200 ml heuning
• 60 ml asyn
• 6 eiers
• 100 g parmesaankaas, gerasper

Bring water en botter tot kookpunt. Verlaag hitte tot stadige prut en gooi mieliemeel by terwyl jy aanhou roer. Roer oor lae hitte tot mengsel verdik. Maak pot toe en laat pap stadig kook vir sowat 10-12 minute of tot gaar – roer elke 2-3 minute om te keer dat die pap aanbrand. Maak die spek gaar terwyl die pap kook: Verhit kleefvrye braaipan tot warm. Sprinkel heuning oor spek en braai spek tot goudbruin en bros. Hou eenkant. Bring pot met water tot sowat 3 cm diep gevul tot kookpunt. Voeg asyn by en verlaag hitte tot water stadig prut. Breek eiers een vir een in water en posjeer vir sowat 3 minute vir sagte eiers of langer soos jy verkies. Sit so voor: Verhit pap tot warm en voeg parmesaankaas by. Roer tot gladde romerige mengsel, voeg ekstra water by indien nodig. Proe en voeg sout en peper by indien nodig – onthou, parmesaan kan soms baie sout wees. Skep in opdienbak en pak gebraaide spek bo op. Skep geposjeerde eiers bo-op en sit voor.

Plaatkoekies met mielies

Plaatkoekies met mielies

Die plaatkoekies is heerlik saam met gebraaide spek of net so op hul eie.

genoeg vir 6-8

• 100 g (200 ml) koekmeel
• 5 ml bakpoeier
• 3 ml koeksoda
• 1 ml sout
• 75 ml mielimeel (pap)
• 1 eier
• 250 ml room
• 100 ml water
• 1 x 400 g-blik pitmielies, gedreineer
• 30 ml gesmelte botter

Sif meel, bakpoeier, koeksoda, sout en suiker saam. Voeg mieliemeel by en meng goed. Klits eier, room en water saam. Voeg droë bestanddele by en klits tot glad. Voeg mieliepitte by en meng. Smeer ’n pan met gesmelte botter. Skep eetlepels vol van beslag in die pan en braai alkant vir sowat 2 minute. Sit voor met heuning en botter.

Mieliemeel-en-suurlemoenkoek

Mieliemeel-en-suurlemoenkoek

Die Italianers bak ’n koek met polenta en almal dink dis baie grênd, maar hier in SA het ons al vir jare geel mieliemeel.

genoeg vir 8-10

• 400 g (430 ml) sagte botter
• 400 g (500 ml) strooisuiker
• 5 eiers
• 200 g pistasieneute
• 100 g fyn amandels
• 100 g okkerneute
• 5 ml vanielje
• skil van 2 suurlemoene
• 225 g mieliemeel (pap)
• 7 ml bakpoeier
• 1 ml sout

Stroop

• 100 ml water
• 100 g (125 ml) suiker
• sap en skil van 1 suurlemoen

Verhit oond tot 180 ̊C. Voer ’n 22 cm-losboom-koekpan uit met bakpapier en spuit goed met kleefwerende kossproei. Klits botter en strooisuiker saam tot lig en romerig. Voeg eiers een vir een by en klits goed ná elke byvoeging. Voeg res van bestanddele vir die koek by en meng tot gladde beslag vorm. Skep beslag in pan en smeer gelyk. Bak vir sowat 30-35 minute of tot toetspen skoon uitkom. Terwyl koek bak, kook die bestanddele vir die stroop saam. Gooi oor warm koek sodra dit uit die oond kom. Laat afkoel. Verwyder koek uit pan en plaas op opdienbord. Sit voor met mascarpone-kaas.

The post Inspirasiekos met SARIE: Mieliemeel by Zinkplaat se Bertie appeared first on SARIE.

Makliker kry jy nie!

2 klein brode

• 500 ml water
• 10 g sout
• 100 ml heuning
• 15 ml kaneel
• 2 eiers
• 20 ml bakpoeier
• 375 g (670 ml) bruinbroodmeel
• 375 g (625 ml) volkoringmeel
• 75 g (625 ml) semels (digestive bran)
• 80 g (250 ml) hawermout

Verhit oond tot 180 °C. Meng water, sout, heuning, rosyne, kaneel en eiers in ’n middelslag-mengbak. Voeg bakpoeier, bruinbroodmeel, volkoringmeel, semels en hawermout by. Meng tot stywe beslag vorm (voeg ekstra bruinbroodmeel by indien nodig). Spuit twee standaard-broodpanne van 21 x 11 cm met kleefwerende kossproei. Verdeel deeg tussen panne. Plaas in warm oond en bak 30 – 35 minute of tot goudbruin en gaar. Keer uit op draadrak en laat afkoel. Sit voor met plaasbotter en konfyt.

The post Volkoring-roerbrood appeared first on SARIE.

Kapokaartappels is vir my die beste trooskos vir koue dae. Volg hierdie resep om gladde kapokaartappels te maak.

genoeg vir 4

• 8 aartappels
• 120 g (130 ml) botter
• 180 ml warm melk
• sout en varsgemaalde swartpeper

• 1
• 2
• 3
• 4
• 5

« »

Stap 1

Skil aartappels en plaas in kastrol. Bedek met koue water en plaas op stoofplaat. Bring water tot kookpunt en kook tot sag. Dreineer in vergiettes.

Stap 2

Plaas een aartappel op ’n slag in ’n aartappeldrukker en druk fyn in bak. Die aartappels moet nog baie warm wees wanneer dit fyngedruk word.

Stap 3

Voeg botter by en meng goed met vurk.

Stap 4

Voeg melk by en meng goed met vurk.

Geniet!

Geur met sout en peper en sit warm voor.

The post Maak die perfekte kapokaartappels (mash) appeared first on SARIE.

Net ’n handjievol bestanddele en min moeite vir dié lekkernye wat in jou mond sal smelt.

Die meeste van die bestanddele is boonop reeds in jou kas. Kry die maklike resepte hieronder. Daar is 5 om uit te kies!

• 1
• 2
• 3
• 4
• 5

« »

Sjokolade-patee

Verhit oond tot 180 °C. Kap 300 g sjokolade van goeie gehalte fyn en bring 250 ml room tot kookpunt. Gooi oor sjokolade en roer tot gladde mengsel. Voeg 3 eiergele by en roer tot gemeng. Gooi mengsel in oondvaste bakkies van jou keuse. Plaas in oond en sit dadelik af. Los in oond vir 15 minute. Haal uit oond en laat by kamertemperatuur afkoel tot gestol. Sit voor met vars bessies.

Panna cotta van jogurt & karringmelk

Meng 20 ml poeiergelatien met 60 ml water en laat staan vir 5 minute. Plaas 500 ml perskejogurt en 250 ml karringmelk in middelslag-pot en bring tot kookpunt terwyl jy heeltyd roer tot dit ’n gladde mengsel vorm. Verwyder van hitte en roer geweekte gelatien by. Gooi mengsel in vorm met volume van 800 ml. Laat stol in yskas vir 4 – 6 uur. Doop vorm vinnig in kookwater en keer uit op opdienbord. Sit voor met vars vrugte.

Sjokoladekoek

Verhit oond tot 180 °C. Smelt 450 g donkersjokolade en 115 g (125 ml) botter saam oor ’n pot met kookwater. Roer tot gladde mengsel. Skei 5 eiers en roer eiergele by mengsel. Meng goed. Klits eierwitte tot sagte punte vorm en vou by sjokolademengsel in. Gooi mengsel in 12 x 22 cm-broodpan wat goed met kleefwerende kossproei gespuit is. Bak vir 20 – 25 minute of tot toetspen skoon uitkom. Laat in pan afkoel en keer uit. Sit voor met crème fraîche en vars bessies.

Suikervrye skons

Verhit oond tot 180 °C. Sif 280 g (500 ml) bruismeel in groot mengbak. Sny 200 g botter in klein blokkies en voeg by meel. Vryf met vingerpunte in die meel tot mengsel soos growwe sand lyk. Voeg 170 ml volroommelk by en meng tot mengsel bymekaarkom. Keer uit op meelbestrooide oppervlak en druk plat tot sowat 2 cm dik. Druk sirkels uit met 5 cm-koekiedrukker. Plaas op bakplaat wat goed met kleefwerende kossproei gespuit is. Bak vir 20 – 25 minute of tot goudbruin. Sit louwarm voor met styfgeklopte room en konfyt.

Grondboontjiekoekies

Verhit oond tot 180 °C. Meng 250 ml growwe grondboontjiebotter met 200 g (250 ml) witsuiker. Voeg 1 eier by en meng goed. Voer bakplaat met bakpapier uit en spuit goed met kleefwerende kossproei. Verdeel deeg in 6 porsies en rol elk in ’n ronde bal tussen jou hande. Druk effens plat met vurk. Bak vir 15 – 20 minute of tot goudbruin. Sit voor.

Lees nou

Beste kaaskoek nog? 8 miljoen mense sê ja! (en dis net 3 bestanddele)

Skons met net 3 bestanddele

Die heel maklikste sjokolade-mousse – met net 3 bestanddele

The post Soetgoed met net 3 bestanddele elk! appeared first on SARIE.

Sê jy jaffel, roep dit nostalgiese gedagtes op van die kerkbasaar en skoolkermis. Maar sê jy melktert-jaffel, sien ek ’n doodgewone broodjie vir nagereg wat beloof om die gesprekspunt van jou volgende onthaal te wees!

Melktert-jaffel

genoeg vir 6

Vulsel

• 1 000 ml melk
• 6 eiergele
• 5 ml kaneelsuiker
• 250 g (295 ml) strooisuiker
• 40 g (70 ml) mielieblom
• 40 g (70 ml) koekmeel

Kors

• 12 snye sagte witbrood
• botter vir smeer
• 100 g (125 ml) strooisuiker
• versiersuiker vir oorsif

Vulsel Bring melk tot kookpunt. Klits eiergele, kaneel, suiker, mielieblom en meel saam tot gladde mengsel. Gooi helfte van warm melk by eiermengsel en roer tot gladde mengsel. Gooi mengsel deur ’n sif by res van melk in pot. Plaas oor matige hitte en roer met ’n draadklitser tot dik romerige mengsel vorm (soos jy witsous sal maak). Hou aan roer oor hitte vir nog sowat 5 minute of tot mengsel blink voorkoms het en gaar is. Skep uit pot en plaas bakpapier direk op mengsel. Laat afkoel.

Maak jaffle so Smeer brood met botter aan een kant. Plaas sny brood in jaffelpan met gesmeerde kant na onder. Skep lepels vol van koue melktertvulsel op brood. Plaas tweede sny brood bo-op met botterkant na buite. Sprinkel bietjie suiker op brood. Maak pan toe en sny brood wat oorhang netjies af. Braai oor hoë hitte vir sowat 1-2 minute per kant of tot goudbruin. Haal uit pan en herhaal met res van brood en vulsel. Sif versiersuiker oor en sit louwarm voor.

The post Melktert-jaffel appeared first on SARIE.

Die Karoo is vol verrassings en beslis ’n plek wat gou in jou hart kom sit. Met die kenmerkende geur van Karoobos en gasvryheid oorrompel dié wêreld jou soos die warm liefde van ’n ma. 

Hy veroorsaak dat jy verlang, hy maak jou verlief en hy maak jou trots op sy mense. Ry jy verby Loxton, kan jy dit dalk miskyk as jy jou oë twee keer knip. Maar as jy daar stilhou, wag ’n wêreld van geur en smaak jou in.

Dis hier tussen die verlate vlaktes en Karoobos waar die storie van bokmelkkaas vir my wag. Jan Wiese is passievol oor die Karoo en sy bokke. Hy borrel van entoesiasme as hy eers vir jou begin vertel van dié unieke boerdery.

Jan, waar kom jou liefde vir bokke vandaan?

As kind het my oupa Jan bokke gekry om die hanslammers op te pas en saam met hulle veld toe te gaan. Ek het die bokke oorgeneem en later begin handel dryf met die diere. My oupa het so vir my basiese sakebeginsels geleer, asook ’n liefde vir die bokke gekweek.

Waarom is jy so lief vir die bokke?

Die bokke word met die hand grootgemaak. Hulle word van kleins af met die hand gevoer en jy leer ken elkeen persoonlik. Bokke is baie liefdevolle diere.

Wat maak bokmelk so uniek?

Die melk is hoog in bottervet en daarom perfek vir kaasmaak. Enige kaasmaker wil melk gebruik wat hoog is in vet – ons weet mos dit smaak lekker. Die Karoo is bekend vir skaapvleis, maar dis net so ’n goeie plek om bokke groot te maak. Hulle is gelukkig hier.

Waar kan ons jou produkte koop?

Die kaas is oral beskikbaar en jy kry dit by die meeste supermarkte soos Checkers en Food Lover’s Market. Ons eksperimenteer op die oomblik met nuwe produkte, onder meer bokbotter.

Bokbotter?

Die smaak is uniek en dit is regtig heerlik om mee te kook. Omdat die melk so ’n hoë vetinhoud het, maak dit uitstekende botter. Dis spierwit en regtig heerlik op tuisgebakte brood!

Sommige mense is bang vir die sterk smaak van bokmelk.  Is daar van die kase wat minder na bok smaak?

Kyk uit vir produkte soos ons sagte bokmelkkaasballetjies wat in knoffel en kruie gerol is. Die tekstuur is hemels en die kruie balanseer die smaak perfek. Probeer dit!

Is die melk van bokke gesond?

Ja, absoluut! Bokmelk word dikwels deur dokters aanbeveel vir moeders wat nie kan borsvoed nie of kinders wat allergies is vir laktose.

Tarte Tatin met uie en bokmelkkaas

Die onderstebo-tert, wat eintlik die eerste keer ’n flop was, is vandag die wêreld oor gewild.

genoeg vir 4

• 30 ml botter
• 2 knoffelhuisies, gekap
• 60 ml balsemasyn
• 30 ml tiemie, gekap
• 400 g uie, in 1 cm-dik skywe gesny
• sout en varsgemaalde swartpeper
• 200 g bokmelkkaasballetjies, gerol in kruie (kyk by kaasrak in jou supermark)
• 100 g okkerneute
• 1 x 500 g-rol blaardeeg
• vars basiliekruid vir voorsit

Verhit die oond tot 180 °C. Verwarm die botter in ’n middelslag-pan, voeg die knoffel by en roerbraai sowat 5 minute tot dit begin verkleur. Voeg die asyn en tiemie by. Braai nog 5–8 minute of tot die asyn met die helfte weggekook het. Plaas die uie in die pan en braai nog 5 minute. Geur goed met sout en peper. Skep die uiemengsel in ’n oondvaste bak van 30 x 20 cm wat met kleefwerende kossproei gespuit is. Dreineer kaasballetjies en pak tussen die uie. Sprinkel neute oor. Rol die blaardeeg bo-oor en druk stewig vas. Bak 20–30 minute of tot goudbruin en gaar. Laat 5 minute rus. Plaas ’n opdienbord bo-op die kors en draai dit saam met die pan vinnig om. Lig die pan af en garneer die tert met vars basiliekruid.

Taboeli-slaai

In Noord-Afrika staan die slaai ook bekend as tabbouleh. Graan is ’n goedkoop manier om baie monde te voed.

genoeg vir 12

• 250 g Bulgaarse koring (kyk by gesondheidsafdeling)
• 250 g pêrelgort (pearl barley)
• 250 g koeskoes
• 1 groot hand vol Italiaanse pietersielie
• 1 hand vol kruisement, gekap
• 2 rooi-uie, fyngekap
• 300 g kersietamaties, gehalveer
• 5 wortels, in blokkies gesny
• 1 komkommer, in blokkies gesny
• sout en varsgemaalde swartpeper
• 4 wiele bokmelkfeta

Sous

• 100 ml olyfolie
• 30 ml heuning
• sap en skil van 1 suurlemoen
• 30 ml korrelmosterd

Plaas Bulgaarse koring en sowat 500 ml water in ’n pot. Bring tot kookpunt en kook
tot al die vloeistof geabsorbeer is, sowat 10 minute. Hou eenkant. Plaas gort en 750 ml water in ’n pot. Bring tot kookpunt en kook tot gort sag is, 15 – 20 minute. Dreineer en hou eenkant. Gooi 250 ml kookwater oor koeskoes en laat staan 10 minute. Roer los met vurk en voeg gaar koring en gort by. Meng deur en hou eenkant. Voeg res van bestanddele by koringmengsel.

Maak sous Meng alles, gooi sous oor die slaai en meng deur. Breek feta in groot stukke en voeg by die slaai. Geur goed met sout en peper. Sit voor.

Oondgebakte bokmelkkaas-hoender

Die kaas onder die hoender se vel maak dit sappig en geurig. Min bestanddele, maar geurige eindresultaat.

genoeg vir 4

• 2 uie, ringe gesny
• 200 g sagte bokmelkkaas (chevin)
• 1 groot hoender
• 250 ml witwyn
• sout en varsgemaalde swartpeper

Verhit oond tot 200 °C. Pak uieringe in oondroosterbak. Maak vel op bors van hoender los en druk die kaas onder die vel in. Bind hoender se bene vas met kombuistou. Plaas op gesnyde uie. Geur baie goed met sout en peper. Gooi wyn oor en maak hoender toe met foelie. Rooster vir 40 minute. Maak foelie oop en rooster nog 30 minute of tot hoender goudbruin en gaar is. Sit voor met slaai.

Bokmelkkaas-patee met papierbrood

genoeg vir 4

Patee

• 300 g sagte bokmelkkaas
• 200 g roomkaas
• 3 takkies tiemie, fyngekap
• gerasperde skil van 2 suurlemoene

Plaas alles in mengbak en klits op hoë spoed tot lig en sag. Sit voor met papierbrood.

Papierbrood

genoeg vir 8 brode

• 280 g (500 ml) koekmeel
• 125 ml water
• 30 ml olyfolie
• 5 ml sout

Verhit oond tot 220 ˚C. Plaas al die bestanddele in ’n mengbak en knie tot ’n ferm deeg met ’n gladde voorkoms. Verdeel deeg in 4 ewe groot balle en laat rus vir 5 minute. Bestrooi werkvlak met ’n dun lagie meel en rol elke bal deeg papierdun uit. Plaas op ’n bakplaat wat met bakpapier uitgevoer is en bak vir sowat 5 – 8 minute of tot goudbruin en krakerig

The post Inspirasiekos met SARIE – bokmelkkaas op Loxton! appeared first on SARIE.

In die rolprent It Takes Two (1992), met die tweeling Mary-Kate en Ashley Olsen, eet Ashley Sloppy joe by ’n kamp. Dis heerlike maalvleis wat jy in ’n broodrolletjie sit, ’n morserige gedoente maar só lekker. Hier is nog idees van wat jy alles met jou oorskiet-bolognese-sous kan maak.

Maak bolognese soos die Italianers met hierde maklike resep!

1. Sloppy joe

Koop broodrolletjies en skep van jou orige bolognese-sous in die rolletjies. Vir ekstra lekkerte kan jy gerasperde cheddarkaas bysit.

via GIPHY

2. Macaroni-en-kaas

Rek jou macaroni-en-kaas verder deur bolognese-sous by te voeg.

FOTO Mickey Hoyle SARIE KOS Junie/ Julie 2013

Kry die resep hier

3. Met gebakte aartappel

Bak jou aartappels direk op die oondrak tot die skil lekker bros is. Sit voor saam met bolognese-sous en gerasperde cheddarkaas.

Foto deur Micky Hoyle
SARIE KOS JUN/JUL 2012

Kry die resep hier

4. Herderspastei

Voeg ’n groot hand vol gerasperde parmesaankaas by jou kapokaartappels en skep dit bo-op jou bolognese voor jy dit in die oond bak.

FOTO Donna Lewis

Kry die resep hier

5. Moussaka

Moussaka is ’n Griekse gereg wat bestaan uit lae bolognese-sous en gebraaide eiervrug. Dit is Griekeland se ekwivalent van lasagne.

FOTO Mickey Hoyle

Kry die resep hier

The post Oorskiet-bolognese? Hier’s 5 lekkerste idees appeared first on SARIE.

Min geregte is so lekker soos ’n bak pasta met ’n bolognese-sous op ’n koue dag, maar dan moet die sous lank en stadig prut.

• 1
• 2
• 3
• 4

« »

1. Verhit olyfolie in diep kastrol. Voeg ui, knoffel, seldery en wortel by en braai tot sag.

40 ml olyfolie
1 ui
2 knoffelhuisies, fyngekap
1 stingel seldery, fyngekap
1 groot wortel, gerasper

2. Voeg maalvleis by en roerbraai tot vleis net gaar is.

1 kg maalvleis

3. Voeg rooiwyn, tamaties en ham by. Geur met sout en peper en maak kastrol toe met deksel. Laat prut 1 uur en roer nou en dan. Haal deksel af en laat prut sowat 45 minute oop tot sous verdik het. Voeg room by en laat prut nog 45 minute oop.

500 ml rooiwyn
2 x 400 g-blikke
heel tamaties
125 g ham, in
blokkies gesny
sout en
varsgemaalde peper
250 ml room

4. Kook pasta van jou keuse volgens aanwysings op pak. Skep in bak, skep sous bo-op en sit voor met basiliekruidblare en parmesaankaas.

WENK
Jy kan die sous ook vir lasagne gebruik; moet dan net nie die room byvoeg nie.

The post Bolognese soos die Italianers dit maak appeared first on SARIE.

Die internet gons deesdae met kits oplossings vir byna alles: Hoe kry jy dié Hollywood-look binne minute, verf jou huis kortpad en natuurlik die resepte met baie min bestanddele.

Ons by SARIE.com weet dat baie resepte op die internet nie werk nie, so voor jy geld spandeer, toets ons die gewildes, sodat jy kan spaar!

Hierdie week het die internet wéér gegons oor ’n sjokoladekoek met net 2 bestanddele. Lees hier. En gelukkig het ons dit eers getoets!

Die toets

Ek gaan die koek bak stap vir stap soos op die webwerf.

Jy kort:

• 240 g donkersjokolade
• 4 eiers geskei

Stap 1

Smelt sjokolade oor dubbelkoker – wees versigtig om sjokolade te warm te maak.

240 g donkersjokolade, gesmelt

Stap 2

Voeg eiergele by sjokolade en meng saam – maak seker die sjokolade is nie te warm nie. Sover lyk dit nog alles reg, maar gaan hierdie koek word? Ek wonder.

4 eiergele by ons sjokolade.

Stap 3

Klits eierwitte tot sagte punte vorm. Ek het dit in my elektriese menger gedoen – ek reken as mens so 60 ml strooisuiker by sit sal die koek se tekstuur beter wees, maar ek hou by die resep!

4 eirewitte geklits tot sagte punte.

Stap 4

Roer nou ¼ van die eierwitte by die sjokolade mengsel om dit los te maak – hier sien ek probleme kom, want die sjokolade begin stol. As daar botter by die sjokolade was, sou jy dit makliker kon invou. Sukses raak verder weg!

Helfte van die eierwitte is ingeroer by sjokolad emengsel om dit los te maak.

Stap 5

Hier raak ons probleme nog groter: ek vou die oorblywende eierwitte in die mengsel in maar die sjokolade het bykans heeltemal gestol. Dit vou in, maar die tekstuur is krummerig en al die veerligte tekstuur wat jy soek is weg.

Die res van ons eierwitte probeer ek invou by die sjokolade mengsel.

Stap 6

Spuit ‘n 18 cm losboompan baie goed met kleefwerende kossproei. Die mengsel is baie min maar ek skep dit in die pan, die eirwitte kan ook nie meer verder invou nie. So ek los dit en skep maar in die pan. Die koek is reguit oond toe by 170 °C – ek het geen geloof dat ons koek gaan kry nie! Die koek bak vir 25 minute.

Ons koekmengsel in 18-cm losboompan

Die resultaat!

Na 25 minute ruik my huis na sjokolade, ek kan myself verbeel daar is koek in die oond. Maar ai! Dit wat ek uit die oond haal, lyk baie ver van my ouma se sjokolade koek af! Die koek is baie plat (soos ek voorspel het). Hy voel baie taai as ek aan hom druk – byna soos ’n rubberbal.

Die koek is afgekoel en gesif met kakao.

Ek proe hom …

Vir voorsit sif ek kakaopoeier oor, dit lyk baie mooi. Ek verander summier die koek se naam na brownie.

Is dit suksesvol? NEE!

Die koek smaak die ene eier en dis glad nie lekker om te eet nie! My raad: bly weg van hierdie resep. As die lus vir sjokoladekoek jou oorval, probeer my Ouma se resep. Hy werk keer op keer en is baie min moeite! Klik hier vir die resep.

The post Sjokoladekoek met 2 bestanddele? Ons toets dit appeared first on SARIE.

Die winter se sneeukombers het homself plek-plek oor SA kom trek en dit bibberrrrrrrrrrrr van die koue! Maar ons weet al uit ondervinding dat jy die koue na hartelus kan wegeet, veral met vuurwarm pannekoek.

Hier’s die resep waaroor almal praat!

Kaneelpannekoek

sowat 10 pannekoeke

• 240 g (430 ml) koekmeel
• 10 ml bakpoeier
• 2 ml sout
• 2 eiers
• 250 ml melk
• 250 ml water
• 12,5 ml suurlemoensap
• 25 ml sonneblomolie, en nog om pannekoeke in te braai

Sif droë bestanddele saam in ’n mengbak. Klits eiers tot lig en voeg melk, water, suurlemoensap en olie by. Meng goed. Maak ’n holte in die middel van droë bestanddele en voeg die vloeistof by. Meng en klits goed tot daar geen klonte is nie. Maak die bak met ’n lap toe en laat staan vir sowat 30 minute. Verhit sonneblomolie in ’n kleefvrye pan. Gooi van die olie af en vee die pan uit met kombuispapier.

Skep met ’n groot lepel van die beslag in pan en wikkel die pan rond sodat die beslag die pan se bodem bedek. Sodra borreltjies bo-op die pannekoek vorm, kan jy die pannekoek omdraai. Plaas ’n groot bord op ’n kastrol met kookwater om die pannekoeke warm te hou. Sit die gebraaide pannekoek op die bord en besprinkel met kaneelsuiker. Sit ’n deksel bo-op die pannekoek en braai die res van die beslag. Rol pannekoek op soos jy dit voorsit.

Kaneelsuiker

• 200 g (250 ml) suiker
• 15 ml fyn kaneel

Meng goed.

Ons het weer by paar bekendes gaan hoor waaraan hulle dink as hulle die woord “pannekoek” hoor. 

Mynie Grové

As ek pannekoek hoor, dink ek “vuur in die kaggel, honde by my voete, ’n kat wat dophou, gemmertee en….’’. My lekkerste manier om pannekoek te eet is die klassieke manier: Met suurlemoen en ’n titseltjie kaneelsuiker, teen kamertemperatuur.

FOTO Verskaf

Anna-Mart van der Merwe

As ek pannekoek hoor, dink ek aan kaneelsuiker en winter. My beste manier om pannekoek te eet is met jou hande!

FOTO Morne van Zyl

Jill Levenberg

Ek verkies ’n pannekoek met gestoofde appel, rosyntjies, kaneel en vars room. As iemand dit vir my so gee, dink ek terug aan die dae toe ek in Duitsland gewerk. Dis amper soos ’n cheat apfelstrudel.

FOTO Verskaf

Hanna Grobler

As ek pannekoek hoor, dink ek aan ’n reëndag by die skool… ek het altyd geweet as ons die middag by die huis kom, het my ma pannekoek gebak! My lekkerste manier om pannekoek te eet is met kaneelsuiker en suurlemoen. Jy kan piesang ook byvoeg. Ek hou ook van ’n sout pannekoek met maalvleis en kaas.

FOTO Leana Clunies-Ross

Anne Hirsch 

As ek pannekoek hoor, lag ek eers, want dis ’n snaakse woord en dan doen ek my pannekoekdans van geluk. My lekkerste manier van pannekoek eet is met piesangs en karamel, met ekstra karamel en nog piesangs.

FOTO Facebook/ Anne Hirsch

Desiré Gardner

As ek pannekoek hoor, dink ek onmiddellik aan my ma. Dit was altyd haar manier om ons op ’n koue reëndag te bederf. My beste manier van pannekoek eet is die gewone manier, met kaneelsuiker natuurlik. Vir ’n souterige pannekoek is gesnyde Weense worsies met mayonnaise ’n treffer.

FOTO Donna Lewis

Kaneelpannekoek

sowat 10 pannekoeke

• 240 g (430 ml) koekmeel
• 10 ml bakpoeier
• 2 ml sout
• 2 eiers
• 250 ml melk
• 250 ml water
• 12,5 ml suurlemoensap
• 25 ml sonneblomolie, en nog om pannekoeke in te braai

Sif droë bestanddele saam in ’n mengbak. Klits eiers tot lig en voeg melk, water, suurlemoensap en olie by. Meng goed. Maak ’n holte in die middel van droë bestanddele en voeg die vloeistof by. Meng en klits goed tot daar geen klonte is nie. Maak die bak met ’n lap toe en laat staan vir sowat 30 minute. Verhit sonneblomolie in ’n kleefvrye pan. Gooi van die olie af en vee die pan uit met kombuispapier.

Skep met ’n groot lepel van die beslag in pan en wikkel die pan rond sodat die beslag die pan se bodem bedek. Sodra borreltjies bo-op die pannekoek vorm, kan jy die pannekoek omdraai. Plaas ’n groot bord op ’n kastrol met kookwater om die pannekoeke warm te hou. Sit die gebraaide pannekoek op die bord en besprinkel met kaneelsuiker. Sit ’n deksel bo-op die pannekoek en braai die res van die beslag. Rol pannekoek op soos jy dit voorsit.

Kaneelsuiker

• 200 g (250 ml) suiker
• 15 ml fyn kaneel

Meng goed.

Lees nou

As ek pannekoek hoor … 5 bekendes vertel!

Pannekoek met Nutella

The post Beste pannekoekresep nog! PLUS 5 bekendes vertel appeared first on SARIE.

Goedkoop en heilsaam en baie geurig danksy die chorizo-wors.

genoeg vir 4

60 ml olyfolie
225 g chorizo-wors, in skywe gesny
1 ui, in skywe gesny
2 knoffelhuisies, fyngekap
1 rooi soetrissie, in skywe gesny
500 g kersietamaties
1 x 400 g-blik kekerertjies, gedreineer (chickpeas)
sout en varsgemaalde swartpeper

Verhit olyfolie in ’n diep pan en braai chorizo tot weerskante goudbruin. Voeg ui, knoffel en soetrissie by en braai sowat 5 minute oor matige hitte. Halveer helfte (250 g) van die kersietamaties en voeg by. Geur met sout en peper. Meng goed met houtlepel en maak pan toe met deksel. Stowe sowat 10 minute. Voeg res van kersietamaties en kekeretjies by en roer goed deur. Prut oop vir nog 10 minute tot tamaties sag en gaar is. Proe en geur weer met sout en peper. Sit voor met krakerige vars brood.

Lees nou

Chorizo-empanadas

Slaai met geroosterde halloumi, aspersies en kekerertjies

Mossels met amandels en chorizo-sous

The post Kekerertjie-en-chorizo-gereg appeared first on SARIE.

Die feta sorg vir ’n heerlike geur.

genoeg vir 4

45 ml olyfolie
8 ontbeende hoenderdye, vel verwyder
1 ui, in skywe gesny
1 groen soetrissie, in dun repe gesny
1 geel soetrissie, in dun repe gesny
1 x 400 g-blik gekapte tamaties sout en varsgemaald swartpeper
4 wiele fetakaas handvol vars basiliekruidblare

Verhit oond tot 180 °C. Verhit olie in ’n diep pan. Braai hoender tot weerskante goudbruin en haal uit pan. Braai ui, en groen en geel soetrissie 5 minute in dieselfde pan. Voeg tamaties by en plaas deksel op. Verlaag hitte tot matig en prut sowat 10 minute. Geur met sout en peper. Sit hoenderdye in sous en skep sous oor hoender. Krummel fetakaas bo-oor. Plaas in warm oond en bak 15 minute.

Sit voor met romerige polenta.

Lees ook

Geroosterde hoender met broodkrummel-en-pietersielie-vulsel

Tamales – mielie-en- hoender-pakkies

Tamatie-en-feta-slaai

The post Hoender-en-fetakaasgebak appeared first on SARIE.

Ryk en lekker en die ideale trooskos vir koue wintersaande.

genoeg vir 4

100 g (120 ml) botter
70 g (120 ml) koekmeel
800 ml melk
sout en varsgemaalde swartpeper
4 x 250 g-stokvisfilette, vel verwyder
100 g vars broodkrummels
100 g parmesaankaas, fyngerasper
3 takkies vars tiemie se blaartjies, fyngekap

Verhit oond tot 180 °C. Smelt botter in ’n diep pan. Voeg meel by en roer met ballonklitser tot glad. Voeg melk bietjies-bietjies by en roer goed ná elke byvoeging. Prut sowat 5 minute oor matige hitte en roer deurentyd. Geur met sout en peper. Plaas vis in warm sous en sorg dat dit heeltemal toe is onder die sous. Meng broodkrummels, kaas en tiemie saam in ’n bakkie. Strooi krummelmengsel oor vis en plaas in warm oond.

Bak 20 minute tot vis gaar en krummels goudbruin gebak is. Sit voor met gestoomde broccoli en baba-aartappels.

The post Romerige visgebak appeared first on SARIE.

Nou nie heeltemal in net een pot nie, maar die patatbolaag gee ’n lekker soet smaak aan die gereg.

genoeg vir 4

6 patats, geskil en in skywe gesny
60 g (75 ml) botter
sout en swartpeper
30 ml olyfolie
1 kg maer maalvleis
1 ui, fyngekap
400 g bruin sampioene, fyngekap
2 groot wortels, geskil en fyngekap
2 stingels seldery, fyngekap
500 ml beesaftreksel
50 g (60 ml) koekmeel

Verhit oond se rooster-element. Kook patats in ’n kastrol tot sag. Dreineer water en plaas terug in kastrol. Voeg botter by. Druk fyn met ’n vurk en geur met sout. Verhit olie in ’n diep kastrol. Braai maalvleis oor hoë hitte tot bruin en gaar. Voeg ui, sampioene, wortel en seldery by en braai nog 5 minute. Voeg aftreksel by en kook oop vir 15 minute. Voeg meel by en roer goed deur met houtlepel. Geur met sout en peper. Skep uit in opdienbak. Skep patat bo-op vleis en maak gelyk met lepel. Plaas onder warm element en bak sowat 10 minute. Sit warm voor.

The post Herderspastei met patat-bolaag appeared first on SARIE.